Məhsulun könüllü sertifikatlaşdırılması məhsulların yüksək keyfiyyətini təsdiq edən sənəddir. Buna adətən könüllü keyfiyyət sertifikatı deyilir. Məhsulun sertifikatlaşdırılması sxemindən asılı olaraq, könüllü sertifikat məhsulların konkret partiyasına və ya bir ilədək müddətə kütləvi istehsal olunan məhsullara verilə bilər. Sertifikatlaşdırma üçün ərizəçi ya rezident şirkəti (hüquqi şəxs və ya fərdi sahibkar) və ya onun nümayəndəsi ola bilər.

Məhsulun uyğunluğunun könüllü sertifikatlaşdırılması məhsulun keyfiyyətini təsdiqləmək və müştərilərin sertifikatlaşdırılmış məhsullun keyfiyyətinə inamnı artırmaq üçün lazımdır. Məhsulların etiketlənməsində məcburi dövriyyə nişanı (AZC) ilə markalanmaqla yanaşı, məhsullar könüllü uyğunluq sertifikatı nişanı (AZS) ilə də markalanır. Bu, istehsalçı üçün yalnız məhsulun təhlükəsiz olmasının deyil, həm də məhsulun keyfiyyətli olmasının vacib olduğunu göstərir. Bir çox pərakəndə satış şəbəkələrinin könüllü sertifikatı olmayan təchizatçılardan mal qəbul etməməsi və bununla da öz rəflərindəki malların keyfiyyətinə nəzarət etməsi də vacibdir. Deyə bilərik ki, könüllü sertifikatlaşdırma bir imic və reputasiyadır, özünü ən yaxşılar arasında ən yaxşısı hesab edən şirkətlər üçün bir sənəddir.

Yalnız akkreditasiya edilmiş məhsulların sertifikatlaşdırılması orqanları könüllü sertifikatlaşdırma prosedurlarını həyata keçirərək Uyğunluq sertifikatı verə bilər. Könüllü olaraq sertifikatlaşdırılmış məhsullar sertifikatlaşdırma orqanının akkreditasiya sahəsi çərçivəsində olmalıdır. Könüllü uyğunluq sertifikatı əldə etmək üçün bütün zəruri könüllü sertifikatlaşdırma prosedurlarından keçməlisiniz. Sertifikatlaşdırma sxemindən asılı olaraq, prosedur üçün bir neçə variant ola bilər, lakin, bir qayda olaraq, hamısına aşağıdakılar daxildir: şərtlərin müzakirəsi və planın tərtib edilməsi, sənədlərin hazırlanması, məhsul nümunələrinin seçilməsi, və sınaqdan keçirilməsi, sertifikatın verilməsi və ya ondan imtina barədə qərar, sertifikatın qeydiyyatı. Mütəxəssis ərizəçi ilə birlikdə məhsulun hansı göstəricilərə görə sertifikatlaşdırılmalı olduğunu, konkret halda hansı sertifikatlaşdırma sxeminin tətbiq edilməsinin optimal olduğunu, sınaqların hansı laboratoriyada aparılacağını, nümunələrin necə seçiləcəyini, hansı göstəricilər üzrə sınaqdan keçirilməsini müəyyən edir. Yəni, sertifikatlaşdırmanın dəyərinə, müddətinə və yekun nəticəsinə təsir edə biləcək bütün məsələlər nəzərdən keçirilir.